CÓMIC MEDIOAMBIENTAL NO 3º NIVEL EP

Seguimos traballando o Medio Ambiente no terceiro nivel, esta vez coa nosa heroína ARBOLINA, unha árbore mascota da nosa clase que guía o proxecto de manter un planeta san para deixar en boas condicións aos nosos e nosas descendentes.

 

Publish at Calameo

DEBUXANDO PAISAXES DE PAZ NO 3º NIVEL EP

 

DEBUXA PAISAXES DE PAZ 

 

é o pequeno proxecto para traballar na aula do terceiro nivel co motivo do Dia da Paz e non Violencia o 30 de xaneiro, para  permitirnos entender un pouco mellor a relación que existe entre a auga e a paz e  como podemos evitar os conflitos pola auga. Ao longo da historia, moitas guerras e conflitos estiveron motivados polo control dos recursos naturais, xa sexan territorios fértiles, bosques, pozos de petróleo ou lagos e ríos. O acceso aos cursos de auga é moi importante para os países, xa que non só fornecen a auga necesaria para a vida das persoas, do gando e dos cultivos, senón que tamén poden ser un medio de transporte, unha fonte de enerxía e un lugar para a pesca.

Moitos cursos de auga e lagos marcan a fronteira entre dous ou máis países. Tamén hai ríos que se orixinan nun país e cruzan outros ata a súa desembocadura ou acuíferos subterráneos que se estenden por varios países. Nestes casos, a auga é un recurso compartido que dá riqueza a varios países pero tamén xera tensións. Estas tensións tamén poden producirse dentro dun país, cando varias comunidades comparten un río ou cando hai incompatibilidades entre os usos públicos e privados das fontes de auga.
A auga non só pode ser obxecto de disputas, senón que tamén se usou en varios conflitos como arma ou como estratexia de guerra, contaminando pozos, cortando o subministro ou bloqueando o acceso á auga.

Como xa ocorrera co petróleo, a auga convirteuse no recurso máis importante do século XXI, por iso cobra moita importancia a explotación dos acuíferos, tamén a nivel privado. "A auga, a paz e a seguridade están estrictamente xuntas, van collidas da man" 

 

Como xa dixera John F. Kennedy fai anos : "Quen sexa capaz de resolver os problemas da auga,será merecedor/a de dous premios Nobel, un pola Ciencia e outro pola Paz"

 

Vimos un video que afonda neste tema:

 

 

 

 

Con esta actividade propoñémonos descubrir máis na aula sobre a relación entre a paz e a auga e empregar esta información para crear debuxos paisaxísticos nos que a auga e a paz sexan os protagonistas.

 

 

 

 

 Ademais compuxemos un mural empregando un dos simbolos, decorando con diferentes flores que traen a nós tranquilidade, colorido, paz e sosiego.

 

 

Tamén cantamos a canción onde aprendemos a receita para conseguir a paz cuns ingredintes especiais que nos axudan a crear un mundo pacífico

 

 

COIDADO DO MEDIO AMBIENTE EN EQUIARZÚA NO 3º NIVEL EP

 

EQUIARZÚA, unha vila onde a igualdade de xenero é unha realidade, ademais do coidado do medioambiente

 

En EquiArzúa, todas as persoas gozan dos mesmos dereitos e oportunidades, independentemente do seu sexo. As mulleres e as nenas séntense seguras camiñando pola noite. Reciben o mesmo salario que os homes por tarefas de igual valor.

Homes e mulleres comparten tarefas domésticas e coidados e teñen acceso a coidados accesibles e de calidade.

¿Non soa moi ben?

As nenas valóranse tanto coma os nenos e as persoas de todos os xéneros e sexualidades  séntense seguras e son tratadas por igual.

Isto é igualdade de xénero!

Empregamos enerxías limpas, reciclamos, reutilizamos dándolle unha nova vida as cousas...

 

   

Cada rúa ten un nome e un porqué !!!

 

 

 

E que quede claro, no 3º nivel queremos pasar de

EQUIARZÚA a EQUIMUNDO

EXPOSICIÓNS DE INTERESE MEDIOAMBIENTAL E OUTROS NO 3º NIVEL DE EP

 

 

DÍA DOS BOSQUES NO TERCEIRO NIVEL DE EP

 A clase de 3º nivel de EP lanza unha campaña "Activa o modo bosque" para celebrar o Día Internacional dos Bosques, hoxe 21 de marzo de 2021, unha data promovida polas Nacións Unidas.

Esta idea pretende difundir a relevancia dos bosques e pretendemos  conectar aos máis novos e novas coa importancia dos bosques para xerar conciencia respecto ao seu papel  fundamental para o benestar.

Os bosques cobren un terzo da superficie terrestre e son fundamentais para para combater o cambio climático, contribúen significativamente  ao beneficio das xeracións presentes e futuras.

cando bebebmos un vaso de auga, escribimos nun caderno, tomamos medicamentos para a febre ou construímos unha casa, non sempre relacionamos estas accións cos bosques. sen embargo, estes e moitos outros aspectos das nosas vidas están vinculados aos bosques. Ademais, os bosques albergan máis do 80% das especies animais e vexetais.

Como obxectivos con esta proposta temos:

• Promover o coñecemento e o respecto polos nosos bosques 
• Desenvolver un modelo produtivo sustentable
• Rexenerar os nosos bosques
• Coidar os nosos ecosistemas
• Recuperar os nosos bosques autóctonos fronte ao monocultivos de especies de crecemento rápido
• Evitar o despoboamneto rural
• Ter unha boa calidade de vida

Para participar só tes que enviar unha foto nun entorno de natureza e/ou plantar unha árbore.